सम्झना विकको हत्यारालाई कारवाहीको माग

१३ असोज,काठमाण्डौं – नेपाल दलित मुक्ति सङ्गठनले, बझाङकी सम्झना विकको बलात्कारपछि निर्मम हत्या भएको घटनाका दोषी पत्ता लगाई हदैसम्मको कारवाही गर्नुपर्ने माग गरेको छ ।

‘घटना भएको ६ दिन बितीसक्दा समेत सरकारले अपराधीको पहिचान गर्न नसकेको भदै एक बिज्ञप्ती जारी गर्दै नेपाल कम्युनिष्ट पार्टी ९नेकपा०  निकट सङ्गठन, नेपाल दलितमुक्ति सङ्गठनले, सरकारले तत्काल सत्यतथ्य छानबिन गरी दोषीमाथि हदैसम्मको कारवाही गर्न र पीडित परिवारलाई क्षतिपूर्तिको व्यवस्था गर्न सरकारसमक्ष जोडदार माग गरेको हो ।

‘देशैभरी दलितमाथि घटेका हत्या तथा भेदभावका घटनामाथि तत्काल कानून बमोजिम कारवाही नगर्दा यस्ता खाले घटना दोहोरिँदै जाने र अपराधीको मनोबल बढ्दै जाने भएकाले यसखाले घटना दोहोरिन नदिन राज्यका तर्फबाट विशेष कदम चाल्न सरकार समक्ष जोडदार माग गर्दछौँ ।’विज्ञप्तिमा भनिएको छ ।
करिव एक साताअघी बझाङ जिल्लाको मष्टा गाउँपालिका–२ खिकालाकी १२ वर्षीया सम्झना विकको बलात्कारपछि निर्मम हत्या भएको हो ।
घटना विवरण अनुसार बुधबारको दिन खिकालाबाट करिब साँझ ५ बजे पशुचौपाया बाँध्न गएकी बालिका अबेरसम्म पनि घर नफर्केपछि खोजी गर्दै जाँदा स्थानीय शिव मन्दिरभित्र उनको शव क्षतविक्षेत अवस्थामा फेला परेको थियो ।