सत्तारुढ दलका विद्यार्थी नेताहरुलाई गृहमन्त्रीको टेलिफोन : आन्दोलनमा संयमित हुन आग्रह

काठमाण्डौ – गृहमन्त्री बालकृष्ण खाँणले सत्ता गठबन्धनमा आबद्ध दलका विद्यार्थी नेताहरुलाई टेलिफोन गरेका छन् ।

गृहमन्त्री खाँणले बिहीबार सत्ता गठबन्धनमा आबद्ध दलका विद्यार्थी नेताहरुलाई टेलिफोन गरी संयमतापूर्वक आन्दोलन गर्न आग्रह गरेका हुन् ।

एमसीसीविरुद्ध नयाँबानेश्वर क्षेत्रमा प्रदर्शन गर्दै आएको नेकपा एकीकृत समाजवादीका निकट विद्यार्थी संगठन अनेरास्ववियूका अध्यक्ष सुदेश पराजुलीका अनुसार गृहमन्त्री खाँणले आन्दोलनमा संयमित हुन र कतै पनि क्षति नपुगोस् भनेर सजग रहन आग्रह गरेका थिए ।

आफूले गृहमन्त्रीसमक्ष एमसीसीलाई रोक्ने तर्फ सरकारले भूमिका खेल्न आग्रह गरेको पराजुलीले बताए ।