प्रचण्डलाई अमेरिकाको बधाई

काठमाण्डौ – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई अमेरिकाले बधाई दिएको छ।

माओवादीको आठौं महाधिवेशनबाट प्रचण्ड पुनः अध्यक्षमा चयन भएसंगै उनलाई काठमाडौंस्थित अमेरिकी दुतावासले मंगलबार ट्वीटरमार्फत् बधाई दिएको हो।

‘नेकपा माओवादी केन्द्रको अध्यक्षमा पुनः चयन हुनु भएकोमा प्रचण्डजी लाई बधाई अमेरिका संसारभर प्रजातन्त्र र नेपालको प्रजातान्त्रिक प्रक्रियाका लागि प्रतिवद्ध छ,’ ट्वीटमा भनिएको छ।

यसअघि काठमाडौंस्थित अमेरिकी दूतावासले नेकपा एमालेका अध्यक्ष केपी शर्मा ओलीलाई पनि पुनः अध्यक्षमा निर्वाचित भएकोमा बधाई दिएको थियो।