अक्सिजन सिलिण्डरको जो हो गर्दै बेनीघाट रोराङ

४ जेठ,धादिङ – कोरोना भाईरस संक्रमणको जोखिम बढ्दै गएपछी धादिङको बेनीघाट रोराङ गाँउपालिकाले अक्सिजनको सिलिण्डर जोहो गर्न सुरु गरेको छ ।

कोरोना भाईरस संक्रमितहरुको लागि अत्यवश्यक पर्ने अक्सिजन व्यवस्थापनका लागि जिल्लाका स्थानीय तहहरु जुट्न थालेसंगै बेनीघाट रोराङले सिलिण्डर जोहो गर्न सुरु गरेको हो । त्यस्तै हालसम्म गाँउपालिकाले २८ वटा अक्सिजनको सिलिण्डर जोहोसमेत गरेको गाँउपालिकाका अध्यक्ष पित्त बहादुर डल्लाकोटी हरीले बताएका छन् ।

गाँउपालिकाले १२ थान सिलिण्डर खरिद गरेको छ ।  त्यस्तै धादिङ अटो मोबाइल एसोशीयसनले ६ थान, Huaxin cement factory बाट ५ थान, चरौदी घुम्ती निवासी कृष्ण प्रसाद रेग्मी बाट १ थान, भैरवी वोर्कसप बाट ३ थान, स्वास्थ्य कार्यलय धादिङ बाट १ थान गरी हालसम्म २८ थान सिलिण्डर जोहो भएकोसमेत गाँउपालिका अध्यक्ष डल्लाकोटीले बताए ।

धादिङको सिद्धलेकमा अक्सिजन सहित १५ शैयाको आईशोलेसन तयार