प्रधानमन्त्री ओलीका कारण सरकार पूर्ण रुपमा असफल : सभापति देउवा

२७ बैशाख,काठमाण्डौ – नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीकै कारण सरकार पूर्ण रुपमा असफल भएको बताएका छन् ।

सोमबारको प्रतिनिधि सभाको बैठकमा बोल्दै देउवाले प्रधानमन्त्री ओलीकै कारण सरकार पूर्ण रुपमा असफल भएको बताएका हुन् । उनले भने – ‘प्रधानमन्त्री केपी शर्मा ओलीको सरकार पूर्ण रुपमा असफल भएको छ । तपाईको दम्भले सरकारलाई राम्रो बाटोमा लिन सकेन ।’

त्यस्तै उनले कोरोना महामारीको समयमा पनि देशमा भ्रस्टाचार मौलाएको उल्लेख गरे । त्यति मात्रै नभएर खोपमा पनि भ्रष्टचार गरेको उनले बताए ।