‘ओलीले सत्ता कब्जा गर्न खोजेका छन्, जुन चाहेर नि पुरा हुँदैन’: सभापति देउवा

२७ चैत, काठमाडौं – नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीले सत्ता कब्जा गर्न खोजेको आरोप लगाएका छन् ।

शुक्रबार निजामती कर्मचारी युनियन संघको राष्ट्रिय भेलाालाई सम्बोधन गर्दै देउवाले ओलीले सत्ता कब्जा गर्न खोजेको तर त्यो कहिलै पनि पुरा नहुने बताए । उनले भने, ‘ओलीबाट सत्ता कब्जाको प्रयास भइरहेको छ । जुन उनले चाहेर पनि पुरा हुँदैन ।’

देउवाले ओलीलाई सबै मिलेर हटाउनै पर्ने बताए । उनले ओलीलाई हटाउनका लागि चुनावमा जानुपर्ने पनि हुन सक्ने बताएका छन् ।

जनता मालिक भएकाले जनताको घरदैलोमा जान पनि नेता कार्यकर्तालाई देउवाले आग्रह गरे ।