२०८० आश्विन ६, शनिबार

होस् प्रेरणा ईशको

भरत राज पौडेलप्रकाशित मिति: २०७७ फागुन १०, सोमबार (२ साल अघि)

१२६४ पाठक संख्या

bharat paudel

१. मायामोह रहेछ केवल सबै संसार बुझ्दै छु यो

मायाकै परिखेलमा सब दिशा सम्पूर्ण यो फैलियो।

मायाधीशसमेत प्रीतिरसको आस्वादका खातिर

के लिन्छन् अवतार यो धरणिमा झन् सुन्दरै सुन्दर!

२. मायामुक्त हुने महापुृरुष थे अल्पे कता ती गए?

मायामोहविषे भुलेर कति को सर्वस्व सारा गए!

माया स्वार्थ रहेछ त्याग कसमा होला र यो लोकमा?

मायाप्रीति भजी रहेछ दुनियाँ यो ताल त्यो तालमा!!

३. छायातुल्य रहेछ सार कसरी मायाविषे पाउनु?

निस्वार्थी छ र को कहाँ ढुडिरहूँ ! आनन्द खै? धाउनु??

यौटा सत्य रहेछ छोड्नु छ सबै सम्बन्ध संसारको

एक्लै आँसु बगाउँदै छु भगवन्! होस् प्रेरणा ईशको!!

शार्दूलविक्रीडित छन्दमा

भरत राज पौडेल

होस् प्रेरणा ईशको

प्रतिक्रिया दिनुहोस

Subhayug Media Pvt. Ltd.

नयाँबानेश्वर काठमाण्डौ, नेपाल

[email protected]

01-5705310

सुचना तथा प्रशारण बिभाग दर्ता नं. : - २८३२ - ०७८/७९

हाम्रो टीम

Editor-in-Chief :
Bibek Aryal 9841065149

Desk Editor : Haribahadur Baniya
: Bikash Rauniyar