निर्वाचन तोकिएको मितिबाट एक दिन पनि पर सर्दैन : कामचलाउ प्रधानमन्त्री ओली

१६ माघ,काठमाडौं – कामचलाउ प्रधानमन्त्री केपी शर्मा ओलीले निर्वाचन तोकिएकै समयमा हुने ठोकुवा गरेका छन् ।

शुक्रबार, काठमाडौंमा नेकपा महानगर कमिटीद्वारा आयोजित कार्यकर्ता भेलालाई सम्बोधन गर्दै प्रधानमन्त्री ओलीले निर्वाचन तोकिएको मितीबाट एक दिन पनि पर नसर्ने ठोकुवा गरेका हुन् । ‘निर्वाचन सर्छ भन्‍ने हल्ला चलाएका छन् । म भन‍्‍ चाहान्छु निर्वाचन एक दिन पनि पर सर्दैन । तोकिएकै समयमा हुन्छ’ उनले भने ।

ओलीले पराजित हुने डरले दाहाल–नेपाल पक्ष निर्वाचनबाट तर्सिएको समेत बताए । हार निश्‍चित हुने भएकाले दाहाल-नेपाल पक्ष निर्वाचनसँग डराएको समेत ओलीको दाबी थियो ।

अहिले दाहाल-नेपाल पक्ष अप्ठेरोमा परेको भन्दै निर्वाचनमा पनि उनीहरूको हालत खराव हुने तर्क गरे ।देशलाई सांसद् किनबेचको थलो बनाउन खोज्‍नेलाई जनताले सजाय दिने प्रधानमन्त्री ओलीले बताए ।