२०८० जेष्ठ १६, मंगलबार

दुर्भाविलो जाल छ

भरत राज पौडेलप्रकाशित मिति: २०७७ पौष २, बिहिबार (२ साल अघि)

७०३ पाठक संख्या

bharat paudel

दुर्भाविलो जाल छ

१. भेटिन्छन् किन दुष्ट नित्य पथमा संवेदनाहीन नि

गर्छन् नाटक प्रीतिका किन हरे! विश्वासघाती पनि।

कस्को खै भरमा परूँ भुवन यो दुश्चक्रमै भासियो

छन् मेरा सब भन्दथेँ शिव हरे! लोप्पा सधैं खाइयो ।।

२.सत्ता हेर्दछु लाज छैन छ खुनी अन्यायको केन्द्र छ

भ्रष्टाचार जताततै छ जनता अन्योलमा कैद छ।

पार्टीबाज सिवाय छैन नि कतै नास्तिक्यको बोल छ

यो कालो कलिकालको समय हो दुर्भाविलो जाल छ।।

३. हाहाकार हकारपूर्ण छलको अस्तित्वमा बाँच्नु छ

आतङ्की, कपटी, विवेक नहुने सत्ताविषे देख्नु छ!

सारा सुन्दर भावना पनि यतै बन्दी हुने याम छ

छाती छाम्छु कठै नि भन्छ कसले जानू स्वयं सत्य छ।।

शार्दूलविक्रीडित छन्दमा

प्रतिक्रिया दिनुहोस

Subhayug Media Pvt. Ltd.

नयाँबानेश्वर काठमाण्डौ, नेपाल

[email protected]

01-5705310

सुचना तथा प्रशारण बिभाग दर्ता नं. : - २८३२ - ०७८/७९

हाम्रो टीम

Editor-in-Chief :
Bibek Aryal 9841065149

Desk Editor : Haribahadur Baniya
: Bikash Rauniyar