बाघको आक्रमणबाट बर्दियाको राजापुरमा एक युवतीको ज्यान गयो

काठमाडौं– पाटेबाघको आक्रमणबाट बर्दियाको राजापुर नगरपालिकामा एक जनाको ज्यान गएको छ । राजापुर–१० सुकुम्बासी टोलकी २४ वर्षीया ममता सुनारलाई घर नजिकैको वनबाट आएको बाघले आक्रमण गर्दा ज्यान गएको डिभिजन वन कार्यालय बर्दियाका सहायक वन अधिकृत दोर्णराज शर्माले जानकारी दिए ।

आज नेपाल–भारत सिमानामा पर्ने घर नजिकैको वनमा घाँस काट्न गएका बेला बाघको आक्रमणमा परि गम्भीर घाइते भएकी सुनारलाई उपचारका लागि जिल्ला अस्पताल गुलरिया पु¥याउनासाथ ज्यान गएको हो ।