बँदेल धपाउन थापेको विद्युतीय पासोमा परेर एक जनाको ज्यान गयो

काठमाडौं– अर्घाखाँचीमा बँदेल धपाउन थापेको विद्युतीय पासोमा परि एक जनाको मृत्यु भएको छ । मृत्यु हुनेमा गुल्मीको मुसीकोट नगरपालिका – ३ का २६ वर्षिय बिमल महत रहेका छन् ।

जंगलबाट अरिङगाल पोली फर्कने क्रममा छत्रदेवका केशव खनालको घर नजिकै रहेको मकैबारीमा बँदेल लगायत जंगली जनावरका लागि थापेको विद्युतीय पासोमा परि मृत्यु भएको जिल्ला प्रहरी कार्यालय अर्घाखाँचीले जनाएको छ ।

बँदेल धपाउन करेन्ट लगाउने खनाललाई नियन्त्रणमा लिई अनुसन्धान अगाडि बढाइएको छ ।