नारायणगढ–मुग्लिन सडक सुचारु

काठमाडौं– नारायणगढ–मुग्लिन सडकखण्डमा पहिरो खस्दा अवरुद्ध सडक खुलेको छ ।

सडक खण्डअन्तर्गत चितवनको इच्छाकामना गाउँपालिका–५ तीन किलोमा आज बिहान करिब ३ बजे पहिरो खस्दा सडक पुनः अबरुद्ध भएको थियो ।

सोही स्थानमा बिहीबार मध्याह्नबाट अवरुद्ध भएको सडक शुक्रबार साँझ ५ बजेबाट मात्र सञ्चालनमा ल्याइएको थियो ।

पहिरो पन्छाएर सञ्चालनमा ल्याइएको सडकमा पुनः पहिरो खसेर सडक अवरुद्ध भएको थियो ।

पहिरो पन्छाएसँगै रोकिएका सवारी भर्खरै गन्तव्यतर्फ पठाउने काम भइरहेको जिल्ला ट्राफिक प्रहरी कार्यालय चितवनले जनाएको छ ।