विद्युत मर्मत गरिरहेका शिक्षकको करेन्ट लागेर ज्यान गयो

काठमाडौं– दार्चुलामा करेन्ट लागेर एकजना शिक्षकको मृत्यु भएको छ । अपिहिमाल गाउँपालिका –३ का दमनसिंह कार्कीको मंगलबार करेन्ट लागेर मृत्यु भएको जिल्ला प्रहरी कार्यालय दार्चुलाले जनाएको छ ।

शिक्षक कार्की अपिहिमाल गाउपालिका–४ स्थित सरस्वती आधारभूत विद्यालय मरखोलामा बिगत ८ वर्ष देखि अध्यापनरत रहेका थिए ।

आफ्नै घर नजिकको बिजुलीको पोलमा चढेर विद्युत मर्मत गरिरहेका बेला करेन्ट लागेर कार्कीको घटनास्थलमै मृत्यु भएको प्रहरीले जनाएको छ ।