२०७९ चैत्र ६, सोमबार

कुन वीर बन्ला?

भरत राज पौडेलप्रकाशित मिति: २०७७ फागुन १८, मंगलबार (२ साल अघि)

१११४ पाठक संख्या

bharat paudel

१.मान्छे अभद्र जब हुन्छ दशा छ डस्छ

क्रोधी बनेर तब जल्छ विनाश हुन्छ।

सम्झन्न सत्य सुझका अनमोल वाणी

दम्भी मनुष्य किन हुन्छ सुशील ज्ञानी!

२. देख्तैन सभ्य जनका सुविचार कर्म

राख्तैन चित्तदहमा रति हुन्न शर्म!

स्वार्थी छ नीच मति ली दिनरात चल्छ

आतङ्क रोज्दछ उही गलगाँड बन्छ!!

३. सत्ता- सुमेरु चढिराख्छु सदैव सोच्छ

भेडासमान जन हुन् मनभित्र ठान्छ ।

निर्भीक मानिस हुने परिवेश तोड्छ

हत्याविषे, डरविषे अति ध्यान दिन्छ।।

४. कालो छ चित्त जसको जनता गुहार्छ

ध्वंशी विचारबलमा शठ कर्म गर्छ!

लुट्दै छ देश- जनता कलिकाल होला

छन् थर्कमान जनता कुन वीर बन्ला?

वसन्ततिलका छन्दमा

प्रतिक्रिया दिनुहोस

Subhayug Media Pvt. Ltd.

नयाँबानेश्वर काठमाण्डौ, नेपाल

[email protected]

01-5705310

सुचना तथा प्रशारण बिभाग दर्ता नं. : - २८३२ - ०७८/७९

हाम्रो टीम

Editor-in-Chief :
Bibek Aryal 9841065149

Desk Editor : Haribahadur Baniya
: Bikash Rauniyar