२०७९ चैत्र ८, बुधबार

नौलो जहाँ मार्ग छ !

भरत राज पौडेलप्रकाशित मिति: २०७७ फागुन ६, बिहिबार (२ साल अघि)

८६३ पाठक संख्या

bharat paudel

१. आफै सङ्लनुको विकल्प छ र के? जागा रहूँ नित्य म

छातीभित्र प्रशस्त सत्यरस छन् छामूँ स्वयं चेत म!

छल्छन् निर्दयता रहेछ नि कतै विश्वास कस्को छ र?

सोच्छन् दास बनाउने किसिमले आफ्नो यहाँ को छ र??

२. यै हो विश्व! मनुष्यका छलहरू छन् सूक्ष्म झन् सूक्ष्म छन्

यौटा भूल भयो भने भुवनमा खै को क्षमाशील हुन्!

हेप्नेमात्र रहेछ सोच बुझियो कालो छ भित्रैतक

स्वार्थी राज्य जताततै सलहझैँ को दिन्छ सच्चा हक!!

३. आत्मामा अविराम चिन्तन चलोस् सम्भावना छन् जति

बाँचुञ्जेल निराशमुक्त म बनूँ सप्रोस् सदा यो मति।

सेवाभाव रहोस् कदापि मनमा धोका दिने भावना

कैल्यै किञ्चित क्यै नहोस् प्रभु भजूँ मागूँ बरू चेतना !

४. धर्तीका सब जीवजन्तु जति छन् सद्भाविलो प्रेम होस्

राखूँ मानवता म नित्य मनमा उत्साहिलो वेग होस्।

को के भन्छ भनोस् उता हृदयले चेष्टा नराखोस् रति

सम्झूँ जीवनबोध गर्नु छ स्वयं चालूँ रहोस् सद् – मति!

५. यात्रा गर्नु छ आत्मशक्ति म भरूँ ब्रह्माण्ड हो व्यापक

धर्तीपुत्र हुनेछु जागरणले मिल्लान् अनेकेोँ हक।

आफैलाई म भन्छु शान्त हुनुमा साँच्चै मजा मिल्दछ

अर्काको किन बन्नु निन्दक यहाँ? नौलो जहाँ मार्ग छ!

शार्दूलविक्रीडित छन्दमा

नौलो जहाँ मार्ग छ

भरत राज पौडेल

शार्दूलविक्रीडित छन्द

प्रतिक्रिया दिनुहोस

Subhayug Media Pvt. Ltd.

नयाँबानेश्वर काठमाण्डौ, नेपाल

[email protected]

01-5705310

सुचना तथा प्रशारण बिभाग दर्ता नं. : - २८३२ - ०७८/७९

हाम्रो टीम

Editor-in-Chief :
Bibek Aryal 9841065149

Desk Editor : Haribahadur Baniya
: Bikash Rauniyar