२०७९ मंसिर २०, मंगलबार

grm

cm

bg

यी कल्पना दिव्य छन्!

भरत राज पौडेलप्रकाशित मिति: २०७७ फागुन ५, बुधबार (१ साल अघि)

१०१४ पाठक संख्या

bharat paudel

१. यात्रा चल्दछ भावलोकतिरको आनन्दको खोज छ

ज्ञानीका पथतर्फ अग्रसरता झन् चाखिलो लक्ष्य छ।

देहीको म त खोज गर्छु सहसा यै देहमा राम्ररी

मान्छेबीच म भिन्न मार्गतिरकै यात्री हुने ध्येय ली।।

२. चढ्दै माथि अनन्त व्योमतिर नै लागूँ कलाकार हुँ

पढ्दै जान्छु अनेक शास्त्र सहजै निष्पापिलो जीव हुँ।

सारा द्वन्द्व हटू्न् मभित्र दिलमा आराधना गर्दछु

छोडी सङ्ग्रहवाद शान्त मधुरो सद्भावमा रम्दछु।।

३. जे जे कर्म भयो समर्पण गरूँ सम्झेर छन् ईश्वर

सारा विश्वजगत् छ सर्जकमुखी निष्ठा न हो निर्झर!

हट्छन् बादल अन्धकार छ कहाँ श्रीसूर्य चर्के भने

आत्माको बल वेगिलो यदि भयो को दब्छ जाग्यो भने!!

४. सारा जीवन रम्य बन्छ मधुरो भित्रै हुँदा कल्पदा

मान्छे दीन हुनेछ सत्यपथको बाटो भुली अल्झिदा!

आशा राख्तछु सिर्जनालहरमा हिड्नेछु वाचा छ यो

श्रद्धावान् यदि हिड्छ मूल्य बटुली डग्दैन हो सत्य यो।।

५. जो जो जे जति स्वार्थका लवजमा लोभी बनून् लोकमा

पापीको मनपेट पोल्दछ सदा खै शान्त त्यो खासमा!

जो छन् त्यागविषे समर्थ पनि हुन् ती पूज्य छन् धन्य हुन्

सम्झून् मानिसले अदम्य कलना यी कल्पना दिव्य छन्!

शार्दूलविक्रीडित छन्दमा

भरत राज पौडेल

यी कल्पना दिव्य छन्!

प्रतिक्रिया दिनुहोस

Subhayug Media Pvt. Ltd.

नयाँबानेश्वर काठमाण्डौ, नेपाल

[email protected]

01-5705310

सुचना तथा प्रशारण बिभाग दर्ता नं. : - २७९१ - ०७८/७९

धादिङ कार्यालय

गजुरी १ गजुरीबजार, धादिङ

सिद्धलेक ४ आरुवासटार,धादिङ

हाम्रो टीम

Editor-in-Chief :
Bibek Aryal 9851220820

Desk Editor : Haribahadur Baniya
: Bikash Rauniyar

reporter : Kushal Ale Magar