इजरायलले इरानको जेललाई निशाना बनाएर फेरि गर्यो आक्रमण

एजेन्सी – इजरायलले इरानको इभिन जेल र बासिज मुख्यालयमा फेरिआक्रमण गरेको बताएको छ । इरानले आक्रमणको पुष्टि गरेको छ ।

यसअघि इजरायलका रक्षामन्त्री इजरायल काट्जले एक बयान दिएका थिए भने उनले तेहरानमा इरानी शासनका केही लक्ष्यहरू सूचीबद्ध गरेका थिए, जसमा उनले हवाई आक्रमण गरिएको बताएका थिए ।

उनले भनेका छन्, ती लक्ष्यहरूमा बासिज फोर्सको मुख्यालय पनि समावेश छ । बासिजको पहिलो काम देश भित्र सरकार विरोधी गतिविधिहरूसँग व्यवहार गर्नु हो ।

काट्जले भनेका छन्, ‘एभिन जेललाई निशाना बनाइएको थियो, जहाँ राजनीतिक कैदीहरू र शासनका शत्रुहरू राखिन्छन् ।’ बीबीसी भेरिफाइले जेलको प्रवेशद्वारमा विस्फोट भएको देखाउने सीसीटीभी फुटेज पुष्टि गरेको छ ।

इरानको न्यायपालिकाले तेहरानको इभिन जेलमा आक्रमणको पुष्टि गरेको छ । मिसाइल जेलमा खसेको र जेलको केही भागमा क्षति पुगेको बताएको छ ।