इजरायलमाथि मिसाइल वर्षा: टेल अविभ र केन्द्रीय क्षेत्रहरूमा त्रास, ८० भन्दा बढी घाइते

इजरायल – आइतबार बिहान इजरायलमाथि भएको एकभीषण ईरानी ब्यालिस्टिक मिसाइल आक्रमणमा दर्जनौं मानिसहरू घाइते भएका छन्। लगभग ३० वटा मिसाइलहरू टेल अविभ र केन्द्रीय नगर नेस सियोनालाई लक्षित गर्दै प्रहार गरिएका थिए,  -जसले तीव्र रूपमा आवासीय क्षेत्रमा ठूलो क्षति पुर्‍याएको छ।

इजरायली सुरक्षादलद्वारा प्रयोग गरिएको एक एअर डिफेन्स इन्टरसेप्टर (क्षेप्यास्त्र रोक्ने प्रणाली) मा खराबी आउँदा, सो मिसाइल उत्तरी शहर हैफामा खसेको थियो। यस घटनामा तीन जना सामान्य घाइते भएका छन्। विशेष कुरा के छ भने, हैफामा आक्रमणको बेला कुनै पनि साइरन नबजाइएको स्वास्थ्य अधिकारीहरूले बताएका छन्।

इजरायली स्वास्थ्य मन्त्रालयका अनुसार, अस्पतालमा पुगेका पीडितहरूमध्ये दुई जनाको अवस्था मध्यम खालको छ, ७७ जनाको अवस्था सामान्य रहेको छ, चार जना मानसिक तनाव (आतङ्क) को शिकार भएका छन्, र थप तीन जनाको अवस्था परीक्षणको क्रममा छ।

टेल अविभको इचिलोभ मेडिकल सेन्टरले पाँच जना सामान्य घाइतेहरू आपत्कालीन कक्षमा आएका बताएका छन्, जसमा दुई जना बालबालिकासमेत रहेका छन्।

टेल अविभ र नेस सियोना क्षेत्रमा सबैभन्दा धेरै क्षति र घाइतेहरू रिपोर्ट गरिएको छ। यसबाहेक, बेअर याकोभ नजिकैको रुट ४३१ राजमार्गमा शर्पनेल (विस्फोटको टुक्रा) लागेर एक जना व्यक्तिको अवस्था मध्यम खालको रहेको बताइएको छ।

यो आक्रमणले इजरायलमा व्यापक सुरक्षा चिन्ता बढाएको छ र क्षेत्रीय तनाव थप चर्किएको देखिन्छ।