२०८२ अषाढ ९, सोमबार

आगलागी पीडित परिवारलाई राहत सामग्री वितरण

शुभयुग संवाददाताप्रकाशित मिति: २०८२ जेष्ठ १, बिहिबार (१ महिना अघि)

३७९ पाठक संख्या

सिन्धुली – सिन्धुलीको हरिहरपुरगढी गाउँपालिकाकाले आगलागी पीडित परिवारलाई राहत सामग्री प्रदान गरेको छ ।

बुधबार गाउँपालिकाका अध्यक्ष बज्रध्वज वाईबाले आगलागीबाट पीडित हरिहरपुरगढी वडा नंं.४ स्थित गुडखोलाका डिल बहादुर पुलामीलाई घटनास्थलमै पुगी राहत सामग्री वितरण गरेका हुन् ।

पिडित मगरलाई राहत स्वस्प गाउँपालिकाको तर्फबाट खाद्यान्न, तथा तरकारीजन्य सामाग्री तथा भाँडा कुडाँ र त्रिपाल लगायतका सामाग्री वितरण गरिएको अध्यक्ष वाईवाले जानकारी दिए ।

गत सोमबार दिउँसो गुडखोलाका मगरको खरले छाना भएको काठ र बाँसले बनेको १ तले घरमा ब्याट्री सर्ट भई आगलागी भएपछि घर पुर्ण रुपमा जल्नुका साथै २५ मुरी मकै, ३० मुरी धान, १५ मुरी कोदो का साथै भाडाकुडा तथा लत्ताकपडा जलेर नष्ट भएको थियो ।