जुवा खेलिरहेका एमालेका पूर्वमन्त्रीसहित ११ जना पक्राउ 

काठमाडौँ – राजधानीमा जुवा खेलिरहेको अवस्थामा नेकपा एमालेका पूर्वमन्त्रीसहित ११ जना पक्राउ परेका छन् । 

गौरीघाटमा जुवा खेलिरहेको अवस्थामा कोशी प्रदेशका पूर्वमन्त्री बुद्धि कुमार राजभण्डारी सहित ११ जनालाई प्रहरीले पक्राउ गरेको हो । पक्राउ पर्नेमा पूर्वमन्त्री राजभण्डारीसहित सोलुखुम्बुको सोताङ गाउँपालिकाका पूर्वअध्यक्ष बिर बहादुर राई र कलाकार पुरुषोत्तम शर्मा लगायत रहेका छन् ।  शर्मा टेलिसिरियल ‘ सक्कि गो नि ’ का कलाकार हुन् । 

जुवा खालबाट १ लाख नगद बरामद गरेको प्रहरीले जनाएको छ । पक्राउ पर्नेहरूमा उत्तम कुमार राई, अनिष तामाङ, ठूला तामाङ, दीपक खड्का, भीम बहादुर तुम्बाहाम्फे, रवि श्रेष्ठ, राजु महत र माधव थापा रहेका छन् ।