च्याटजीपीटीमा आयो नयाँ फिचर

काठमाडौं – यदि तपाईंलाई कम्प्युटर टाइप आउँदैन, तर कुनै डकुमेन्ट बनाउनु छ भने ओपनएआईको च्याटजीपीटी उपयोगी हुन सक्छ । केही समयअघिसम्म सामान्य प्रश्नोत्तर गर्न मिल्ने यो टुलमा अब डकुमेन्ट पनि अपलोड गर्न सकिन्छ ।

त्यसो हुँदा तपाईं आफूले लेखेको कुरालाई सजिलै डिजिटाइज गर्न सक्नुहुन्छ । अर्थात् कापीमा लेखेको कुरालाई टाइप गरेजसरी कम्प्युटरमा राख्न सक्नुहुन्छ । यदि गुगल लेन्सको टेक्स्ट एक्सट्र्याक्सन (text extraction) फिचर प्रयोग गर्नु भएको छ भने करिब समान फिचर च्याटजीपीटीमा पनि उपलब्ध छ भनेर बुझ्नु भए हुन्छ ।

तर च्याटजीपीटी त्यतिमा सीमित छैन । तपाईंले यस्ता कागजपत्रमा आधारित भएर एआई टुलसँग कुराकानी समेत गर्न सक्नुहुन्छ ।