यू–१९ विश्वकप क्रिकेटः नेपालको पहिलो खेल न्युजिल्यान्डसँग

काठमाडौं – आईसीसी १९ वर्षमुनिको विश्वकप क्रिकेटको पहिलो खेलमा नेपालले न्युजिल्यान्डसँग खेल्ने भएको छ । यो खेल २०२४ को जनवरी १३ तारिखमा हुने छ ।

दोस्रो खेलमा नेपालले जनवरी १७ मा पाकिस्तानसँग खेल्नेछ । त्यस्तै नेपालले समूह चरणको अन्तिम खेल अफगानिस्तानसँग जनवरी २० तारिखमा खेल्नेछ ।

श्रीलङ्कामा हुने यो विश्वकप सन् २०२४ को जनवरी १३ देखि ४ फेब्रुअरीसम्म चल्नेछ । १९ वर्षमुनिको विश्वकपमा १६ वटा देश सहभागी हुनेछन् । सहभागी १६ देशलाई चार वटा समूहमा विभाजन गरिएको छ ।

समूह ’डी’ मा नेपाल, न्युजिल्यान्ड, अफगानिस्तान र पाकिस्तान रहेका छन् ।