धारिलो हतियार प्रहार गरि सप्तरीमा एक युवकको हत्या

काठमाडौं– सप्तरीमा धारिलो हतियार प्रहार गरि एक युवकको हत्या गरिएको छ ।

आज बिहान साढे ६ बजे हनुमाननगर कंकालिनी नगरपालिका १० इनरूवाका २१ वर्षीय तिरिकनारायण मण्डल मृत फेला परेको जिल्ला प्रहरी कार्यालय सप्तरीले जनाएको छ ।

प्रहरीका अनुसार तिलाठी कोइलाडी गाउँपालिका– ७ मनसापुरस्थित भित्री सडक किनाराको नहरमा मण्डल मृत फेला परेका हुन् । शवको प्रकृति हेर्दा उनीमाथि धारिलो हतियार प्रहार गरी हत्या भएको अनुमान गरिएको छ ।

हत्या भएका मण्डलका साथी हनुमाननगर कंकालिनी– ११ का अजय मण्डल गम्भीर घाइते अवस्थामा भेटिएका छन् ।

घटनाबारे अनुसन्धान भइरहेको प्रहरीले जनाएको छ ।