इलाका प्रहरी कार्यालयका इञ्चार्ज होटलमा मृत भेटिए

काठमाडौं– बागलुङको इलाका प्रहरी कार्यालय भिमगिठेका इन्चार्ज वरिष्ठ नायव निरीक्षक (वरिष्ठ सइ) उज्वल पौडेल मृत फेला परेका छन् ।

बडिगाड गाउँपालिका–६ स्थित आशा होटलको तल्लो तलामा पासो लगाएको अवस्थामा पौडेल मृत फेला परेका हुन् ।

वरिष्ठ सई पौडेल बडिगाड गाउँपालिका–६ मा रहेको आशा होटल एण्ड खाजा घरमा मृत भेटिएको प्रहरीले जनाएको छ । प्रहरीका अनुसार गएराति करिब १ बजेको समयमा उनी मृत भेटिएका हुन् ।

अहिले घटनास्थल प्रहरीले सिल गरेको छ । खाजा घरका सञ्चालक आशा कुँवर र उनका छोरालाई नियन्त्रणमा लिइएको छ । घटनाबारे अनुसन्धान भइरहेको प्रहरीले जनाएको छ ।