माछा मार्न गएका युवकको बाघको आक्रमणबाट ज्यान गयो

काठमाडौं– माछा मार्न गएका एक युवकको बाघको आक्रमणबाट मृत्यु भएको छ ।

आज दिउँसो बाघको आक्रमणबाट चितवनको भरतपुर महानगरपालिका–२८ कोटेनी बस्ने २६ वर्षीय आशबहादुर बोटेको मृत्यु भएको हो ।

चितवन राष्ट्रिय निकुञ्जभित्र पर्ने राप्ती नदीमा बोटेलाई बाघले आक्रमण गरेको थियो । बोटेको घटनास्थलमै मृत्यु भएको जिल्ला प्रहरी कार्यालय चितवनका प्रवक्ता डिएसपी विजयराज पण्डितले जानकारी दिए ।