सर्पले डसेर एक बालकको मृत्यु

काठमाडौं– दाङमा सर्पले डस्दा एक बालकको मृत्यु भएको छ ।

जिल्लाको शान्तिनगर गाउँपालिका–७ मा सर्पको डसाइबाट सल्यान बागचौर नगरपालिका–४ फेदीखोला घर भइ मामाघर आएका १६ वर्षीय मनोज वलीको ज्यान गएको हो । उनलाई घरमा सुतिरहेको अवस्थामा गएराति सर्पले डसेको हो ।

राप्ती प्रादेशिक अस्पताल तुलसीपुर ल्याइए पनि उपचार सम्भव नभएपछि राप्ती स्वास्थ्य विज्ञान प्रतिष्ठान रेफर गरिएकोमा उनको उपचारका क्रममा ज्यान गएको हो ।