स्कुलको जिमखानाको छत खस्दा चीनमा ११ जनाको मृत्यु

एजेन्सी– चीनमा एक स्कुलको जिमखानाको छत खस्दा ११ जनाको मृत्यु भएको छ । चीनको सरकारी मिडियाले यसबारे जानकारी दिएको हो ।

घटना चीनको उत्तरी–पूर्वी इलाकामा वर्षाका कारण यो घटना भएको हो । अधिकारीका अनुसार दुर्घटनाका बेला १९ जना भित्र थिए ।

प्रत्यक्षदर्शीका अनुसार मृत्यु हुनेमा बालबालिका पनि समावेश छन् । यद्यपि, यसबारे औपचारिक रूपमा केही जानकारी आइसकेको छैन ।

प्रहरीले उक्त भवनका इन्चार्जलाई हिरासतमा लिएको छ । अधिकारीका अनुसार दुर्घटना हुँदा चार जना भने घटनास्थलबाट बाहिर निस्कन सफल भए ।