नेतृत्वलाई अनावश्यक गालि गलौज र खुइल्याउने काम नगर्न प्रकाशशरणको आग्रह

काठमाडौं– नेपाली कांग्रेसका प्रवक्ता डा. प्रकाशशरण महतले नेताहरुलाई खुइल्याउने काम नगर्न आग्रह गरेका छन् ।

आज पार्टीको केन्द्रिय समिति बैठकमा बोल्दै उनले नेतृत्वलाई अनावश्यक गालि गलौज गर्ने र खुइल्याउने काम नगर्न आग्रह गरेका हुन् ।

उनले सामाजिक सञ्जालबाट नियोजित किसिमले बिरोध गर्नेकुरा कसैले कहीँबाट पनि गर्नु नहुने बताए । महतले आपसमा गालिगलौज नगरी एकतावद्ध भएर अगाडी बढेमा कांग्रेसलाई कसैले बिस्थापित गर्न नसक्ने बताए ।

उनले पार्टीभित्र अनुशासनको आवश्यकता रहेको बताउँदै पार्टीभित्र मतभिन्नताहरु भएपनि निर्वाचनका बखत पार्टीको आधिकारिक उम्मेदवारलाई सघाउनुपर्नेमा जोड दिए ।