सय किलो गाँजासहित गाडी चालक पक्राउ

काठमाडौं– मकवानपुरका हेटौँडाबाट १ सय किलो लागु औषध गाँजासहित प्रहरीले एक जनालाई पक्राउ गरेको छ ।

हेटौँडा उपमहानगरपालिका–४ कर्राबाट १ सय किलो ६ सय ग्राम लागु औषध गाँजासहित चालक गोरखा पालुङटार नगरपालिका–३ बस्ने ३७ वर्षीय दुर्गा दर्जीलाई पक्राउ गरिएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक टेकबहादुर कार्कीले जानकारी दिए ।

विशेष सूचनाको आधारमा हेटौडाबाट पथलैया तर्फ जादै गरेको बागमती प्रदेश ०३–००१ च १६८८ नम्बरको बोलेरो पिकअप गाडीबाट सो परिणाममा लागु औषध गाँजा बरामद गरिएको उनले बताए ।

उक्त लागु औषध र गाडी सहित दर्जीलाई नियन्त्रणमा लिई थप अनुसन्धान कार्य अघि बढाइएको प्रहरीले जनाएको छ ।