जंगली च्याउ खाँदा आमाछोरा गम्भीर बिरामी

काठमाडौं– दाङको बंगलाचुलीमा वनबाट ल्याएको च्याउको तरकारी खाँदा आमाछोरा बिरामी परेका छन् ।

बिरामी पर्नेमा बंगलाचुली गाउँपालिका–१ स्यूजाकी ३८ वर्षीया यमाकुमारी कवर वली र उनका १२ वर्षीय छोरा यकिन वली रहेको बंगलाचुली गाउँपालिका वडा नम्बर १ का अध्यक्ष विष्णु कुवरले बताए ।

बिरामीलाई उपचारका लागि राप्ती प्रादेशिक अस्पताल तुलसीपुर पठाइएको प्राथमिक स्वास्थ्य केन्द्र स्यूजा अस्पतालले जनाएको छ ।

दुई जनाले शुक्रबार बिहानको खानामा च्याउ खाएको र खानापछि पेट दुख्ने समस्या देखिएपछि स्वास्थ्य संस्था ल्याइएको आफन्तले जनाएका छन् ।