तीनसयले बढ्यो सुनको मूल्य

काठमाडौं– आज सुनको मूल्य बढेको छ । नेपाल सुनचाँदी व्यवसायी महासंघका अनुसार हिजो तोलामा १ लाख ११ हजार ३ सय रुपैयाँमा कारोबार भएको छापावाल सुनको मूल्य तोलामा ३ सय रुपैयाँ बढेर आज १ लाख ११ हजार ६ सय रुपैयाँमा कारोबार भएको हो ।

यस्तै तेजावी सुन तोलामा १ लाख ११ हजार ५० रुपैयाँमा कारोबार भएको छ ।

आज चाँदीको मूल्य पनि सामान्य बढेको छ । चाँदीको मूल्य आज ५ रुपैयाँले बढेर तोलामा १४ सय रुपैयाँमा कारोबार भइरहेको छ ।