मनाङ एयरको हेलिकप्टर दुर्घटना अपडेटः लाम्जुरापास क्षेत्रमा दुर्घटनाग्रस्त, ३ जनाको शव फेला

काठमाडौं– सोलुखुम्बुको सुर्केबाट काठमाडौंका लागि उडेको मनाङ एयरको ‘एनए–एमभी’ कलसाइनको हेलिकप्टर सोलुखुम्बुको लिखुपिके गाउँपालिकास्थित लाम्जुरापास क्षेत्रमा दुर्घटनाग्रस्त अवस्थामा फेला परेको छ ।

कोशी प्रदेशका प्रमुख डिआइजी राजेशनाथ बास्तोलाका अनुसार घटनास्थलमा असई निराजन बस्नेतको टोली पुगेको छ । असई बस्नेतले तीनजनाको शव फेला परेको बताएको बास्तोलाको भनाइ छ ।

आज बिहान १० बजे सोलुखुम्बुको सुर्केबाट उडेको हेलिकप्टर सवा १० बजे सम्पर्कविहीन भएको थियो ।