कोठामा थुनेर बालकको मुन्द्रा लुटेको आरोपमा दुई जना पक्राउ

काठमाडौं– एक बालकलाई कोठामा थुनेर सुनको मुन्द्रा लुटेको आरोपमा दाङको तुलसीपुरमा दुई जनालाई प्रहरीले पक्राउ गरेको छ ।

उनीहरूले तुलसीपुरको बसपार्कमा रहेको एउटा घरमा ती बालकलाई शनिवार दिनभरिभित्रै थुनेर डर देखाई कानमा लगाएको मुन्द्रा लुटेर फरार भएका प्रहरीले जनाएको छ ।

मुन्द्रा लुटेर फरार भएका दुवै जनालाई प्रहरीले हिजो आइतवार पक्राउ गरेको हो । पीडित पक्षले आज सोमवारमात्रै जाहेरी दिएकाले अदालतबाट म्याद लिएर अनुसन्धान प्रक्रिया अगाडि बढाउने तयारी रहेको प्रहरीले जनाएको छ ।