राष्ट्रिय सभाको आज बस्ने भनिएको बैठक सूचना जारी गर्दै स्थगित

काठमाडौं– राष्ट्रिय सभाको आज बस्ने भनिएको बैठक स्थगित गरिएको छ ।

आज बिहान ११ बजेर १ मिनेटमा बस्नेगरी बैठक बोलाइएको थियो । तर संघीय संसल सचिवालयका महासचिव डा. भरतराज गौतमले सूचना जारी गर्दै आज बस्ने भनिएको बैठक सरेको जानकारी दिएका छन् ।

सूचनामा आज बस्ने भनिएको बैठक बिशेष कारणले बस्न नसक्ने भन्दै अर्काे बैठक असार २६ गते बिहान ११ बजेर १ मिनेटमा बस्ने उल्लेख गरेका छन् ।

प्रमुख प्रतिपक्षी दल नेकपा एमालेले प्रधानमन्त्री पुष्पकमल दाहालले गत हप्ता दिएको एक अभिव्यक्तिलाई लिएर गत बुधबारदेखि संघीय संसदका दुबै सदनको बैठक अवरुद्ध गर्दे आएको छ ।