प्रतिनिधिसभा बैठक दुई घण्टा पछि सारियो

काठमाडौं– प्रतिनिधिसभा बैठक दुई घण्टा पछि बस्ने भएको छ । दिउँसो १ बजेको लागि बोलाइएको बैठक प्रधानमन्त्री पुष्पकमल दाहाल प्रचण्डको अनुरोधमा दिउँसो ३ बजे बस्ने भएको हो ।

शीर्ष नेताहरुबीच छलफल भइरहेको समयमा प्रधानमन्त्री प्रचण्डले सभामुख देवराज घिमिरेलाई फोन गर्दै बैठक दुई घण्टा पर सार्न आग्रह गरेका थिए ।

अवरुद्ध सदन खुलाउने विषयमा प्रधानमन्त्री प्रचडसहित कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच सिंहदरबारमा छलफल भइरहेको छ ।