तटबन्ध बनाउन खनेको खाल्डोमा डुबेर दाजुभाइको मृत्यु

काठमाडौं– तटबन्ध निर्माणका लागि खनिएको खाल्डोमा डुबेर सर्लाहीको पर्सा गाउँपालिका–४ को बाँके खोलामा दाजुभाइको ज्यान गएको छ ।

स्थानीय नागेन्द्र महतोका १२ वर्षीय छोरा प्रिन्स र १० वर्षीय दिपुको ज्यान गएको जिल्ला प्रहरी कार्यालय सर्लाहीका निमित्त प्रमुख प्रहरी नायब उपरीक्षक दीपेन्द्र पन्जियार थारूले जानकारी दिए ।

हिजो दिउँसो घरबाट निस्केका उनीहरु राति अबेरसम्म नफर्केपछि अभिभावकले खोज्दै जाँदा गए राति घरभन्दा तीन सय मिटरको दूरीमा रहेको बाँके खोलामा खनिएको खाल्डोमा मृत अवस्थामा भेटिएका हुन् ।

घटनाको अनुसन्धान भइरहेको प्रहरीले जनाएको छ ।