प्रतिनिधिसभाको बैठक आइतबारसम्मलाई स्थगित

काठमाडौं– प्रतिनिधि सभाको बैठक बस्दै नबसी स्थगित भएको छ ।

प्रमुख प्रतिपक्षी दल नेकपा एमालेले प्रधानमन्त्रीको राजीनामा माग गरेर आज पनि संसद अवरोध गर्ने देखिएपछि बैठक बस्दै नबसी आइतबार १ बजेसम्मका लागि स्थगित भएको हो । आज दिउँसो ३ बजेका लागि बैठक बोलाइएको थियो ।

आजको राष्ट्रिय सभाको बैठकमा अवरोध गरेको एमालेको प्रतिनिधिसभाको बैठक चल्न नदिने बताएको थियो । एमालेको अडानका कारण प्रतिनिधिसभाको बैठक अगाडि जान नसक्ने भएपछि सभामुखकै आग्रहमा प्रतिनिधिसभाको बैठक स्थगित गरिएको हो ।