रौतहटको गरुडा आसपास भारी वर्षा, सचेत रहन आग्रह

रौतहट– बाढी पूर्वानुमान महाशाखाले रौतहटको गरुडा र आसपासको क्षेत्रमा भारी वर्षा भएकाले तटीय क्षेत्रमा सतर्कता अपनाउन आग्रह गरेको छ ।

गरुडा र आसपासको क्षेत्रमा पछिल्लो ३ घण्टामा भारी वर्षा मापन भएको र थप हुन सक्ने सम्भावना रहेको महाशाखाले जानकारी दिएको छ ।

सो क्षेत्र भइ बहने स–साना नदीहरूमा आकस्मिक बाढी आउन सक्ने भएकाले तटीय क्षेत्र तथा डुबान भइरहने होचा भूभागमा बसोबास गर्नेहरूले सतर्कता अपनाउन महाशाखाको आग्रह छ ।

देशका विभिन्न ठाउँमा भारी वर्षा भइरहेकाले बाढी र पहिरोको जोखिम बढिरहेको छ ।