ढोढरी हिरासतबाट फरार दुईजना प्रतिवादी पक्राउ

काठमाडौं– इलाका प्रहरी कार्यालय ढोढरी बर्दियाको हिरासतबाट फरार भएका दुइजनालाई प्रहरीले पक्राउ गरेको छ ।

ज्यान मार्ने उद्योगमा गत असार ८ गतेदेखि हिरासतमा रहेका उनीहरु अनुसन्धानको क्रममा कार्यालयका प्रहरी प्रमुख प्रहरी उपरीक्षक सुधीर राज शाहीको कमान्डमा खटिएको प्रहरी टोलीले फरार भएका अजय नेपाली र राजा नेपालीलाई पक्राउ गरेको हो ।

बेलझुण्डि सामुदायिक वन र डाँफे सामुदायिक वनबाट पक्राउ परेका उनीहरूलाई थप अनुसन्धानको लागि इलाका प्रहरी कार्यालय ढोढरीमा राखिएको प्रहरीले जानकारी दिएको छ ।