पाँचथरमा च्याउ खाँदा ९ जना बिरामी

पाँचथर– विषाक्त च्याउ खाँदा पाँचथरमा नौजना बिरामी परेका छन् । कुम्मायक गाउँपालिका र फिदिम नगरपालिकामा उनीहरू बिरामी परेका हुन् ।

कुम्मायक गाउँपालिका–१ मा मंगलबार विषाक्त च्याउ खाँदा चारजना बिरामी परेका छन् । कुम्मायक–१ भदौरेका लीला थापा, हेमन्ता थापा, इन्द्रमाया नेपाली र हर्कबहादुर दर्जी विषाक्त च्याउ खाई बिरामी परेका हुन् ।

उनीहरूलाई जिल्ला अस्पतालमा सामान्य उपचारपछि थप उपचारका लागि झापाको बिर्तासिटी अस्पताल लगिएको जिल्ला प्रहरी कार्यालयले जनाएको छ ।

यस्तै, फिदिम नगरपालिका–११ लक्सीबोटेमा सोमबार विषाक्त च्याउ खाँदा एउटै घरका पाँचजना बिरामी भएका थिए । उनीहरूको जिल्ला अस्पतालमा उपचार भइरहेको छ ।