‘परस्त्री’को हिन्दी संस्करण नेपालमा रिलिज नहुने

काठमाडौं– फिल्म ‘परस्त्री’ को हिन्दी संस्करण नेपालमा रिलिज नहुने भएको छ । निर्देशक सुरज पाण्डेले हिन्दी संस्करण भारतमा मात्र प्रदर्शन हुने जानकारी दिए ।

नेपाली र हिन्दी गरेर दुई भाषामा निर्माण भएको फिल्म केही अगाडि भारतमा हिन्दी र नेपालमा हिन्दी, नेपाली दुबै रिलिज हुने बताइएको थियो । अहिले आएर निर्माण युनिटले नेपालमा हिन्दी रिलिज नहुने जानकारी दिएको हो ।

फिल्ममा शिल्पा मास्के, गौरव विष्ट, कोसिस क्षेत्री, अलिसा क्षेत्री, अशान्त शर्मा, रामबाबु रेग्मी, सरस्वती अधिकारी, झकेन बिसी, अर्पित न्यौपाने लगायतको अभिनय छ ।

फिल्मको भारत प्रदर्शन तथा प्रिमियरका लागि निर्देशक पाण्डेसहित कलाकारको टिम केही दिनदेखि मुम्बईमा छ ।