महिलालाई जबरजस्ती करणी अभियोगमा १७ वर्षीय किशोर पक्राउ

काठमाडौं –  मोरङमा ३० वर्षीय महिलालाई जबरजस्ती करणी गरेको अभियोगमा एक किशोर पक्राउ परेका छन् ।

बेलबारी नगरपालिका –  १ डेरा गरी बस्ने सुनसरी घर भएका १७ वर्षीय किशोरलाई आइतबार दिउँसो प्रहरीले पक्राउ गरेको हो । बेलबारी नगरपालिका – १ लोहन्द्र खोलाको बगरको खोल्सीमा लगेर ती महिलालाई जबरजस्ती करणी गरेको उजुरीको आधारमा ईलाका प्रहरी कार्यालय बेलबारीबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।