बालेन शाहविरूद्ध सर्वोच्चमा अवहेलना मुद्धा

काठमाडौं – सर्वोच्च अदालतमा काठमाडौं महानगरपालिकाका मेयर बालेन्द्र शाह (बालेन) विरूद्ध अदालतको अवहेलनाको निवेदन परेको छ ।

आज सर्वोच्चमा मेयर शाहविरूद्ध अवहेलनाको निवेदन परेको हो । अधिवक्ता वर्षाकुमार झाले मेयर शाहविरूद्ध निवेदन दिएकी हुन् । उनको निवेदन न्यायाधीश प्रकाशकुमार ढुंगानाको एकल इजलाशमा परेको छ ।

मेयर शाहले गत बिहीबार सामाजिक सञ्जालमार्फत अदालत र सरकार भारतको गुलाम भएको बताएका थिए । उनले कानुन र अदालतको आदेश नमान्ने भन्दै टिप्पणी गरेका थिए ।

हलमा हिन्दी फिल्म चलाउन उच्च अदालतले अन्तरिम आदेश दिएपछि शाहले सामाजिक सञ्जालमार्फत असन्तुष्टि व्यक्त गरेका थिए ।