विधान अधिवेशनबारे छलफल गर्न जसपाको केन्द्रीय समिति बैठक सुरु

काठमाडौं– जनता समाजवादी पार्टी (जसपा) नेपाल को केन्द्रीय समितिको बैठक सुरु भएको छ । आइतबारदेखि हुन लागेको पार्टीको विधान अधिवेशनको पूर्वसन्ध्या पार्टीको केन्द्रीय समितिको बैठक बोलाइएको हो ।

आइतबारदेखि काठमाडौंको कमलादीमा सुरु हुने विधान अधिवेशन तीन दिनसम्म चल्नेछ । पार्टीले पहिलोपटक आयोजना गर्न लागेको अधिवेशनमा पार्टी अध्यक्ष उपेन्द्र यादवले विधानको मस्यौदा प्रस्तुत गर्नेछन् ।

आजको बैठकमा विधान अधिवेशनबारे छलफल हुने बताइएको छ । पार्टी हालैमात्र कम्युनिस्ट दलहरू सम्मिलित समाजवादी मोर्चामा सहभागी भएको थियो ।