उपप्राध्यापक चलाउनेले पाँच दिनपछि तोडे अनशन

काठमाडौं– त्रिभुवन विश्वविद्यालयका उपप्राध्यापक प्रेम चलाउनेले पाँच दिनपछि अनशन तोडेका छन् ।

चितवनकी होम कुमारी बरालले चलाउनेलाई दही खुवाएर अनशन तोडाएकी हुन् । चलाउनेमाथि कुटपिट हुँदा बरालले नै बचाएकी थिइन् ।

चलाउने त्रिभुवन विश्वविद्यालयको उपकुलपति कार्यालयअगाडि अनशनरत थिए । सर्वोच्च अदालतले बिहीबार चलाउनेमाथि आक्रमण गर्नेविरुद्धको मुद्दा फिर्ता लिने निर्णय कार्यान्वयन नगरी यथास्थितिमा राख्न आदेश दिएको थियो ।