दैलेखमा पहिरोमा परी एक किशोरीको मृत्यु

काठमाडौं– दैलेखको ठाँटीकाँध गाउँपालिका– ४ गैरीगाउँमा गएराती पहिरोमा परी एक किशोरीको मृत्यु भएको छ ।

बिहिबार राती पहिरोमा परेर हराईरहेकी स्थानीय १६ वर्षिया उर्मिला कठायतको आज बिहान शव भेटिएको गाउँपालिका अध्यक्ष रक्षबहादुर शाहीले बताए ।

पहिरोले दुई वटा घर पनि बगाएको छ । थप पहिरो जानसक्ने देखिएकाले स्थानीय बासिन्दालाई सुरक्षित स्थानमा सार्ने काम भइरहेको गाउँपालिका अध्यक्ष शाहीले जानकारी दिए ।