सात सय रुपैयाँले घट्यो सुनको भाउ

काठमाडौं– सुनचाँदीको भाउ लगातार तीनदिन घटेको छ । आज सुन तोलामा सात सय रुपैयाँले घटेर एक लाख नौ हजार आठ सय रुपैयाँमा कारोबार भइरहेको नेपाल सुन चाँदी व्यवसायी महासङ्घले जनाएको छ ।

सुनको भाउ बिहीवार तोलामा पाँच सय र बुधवार आठ सय रुपैयाँले घटेको थियो ।

यस्तै आज चाँदीको भाउ पनि घटेको छ । तोलामा २५ रुपैयाँले घटेर चाँदी एक हजार तीन सय ३५ रुपैयाँमा कारोबार भइरहेको छ ।