ओखलढुंगा चम्पादेवी पहिरो अपडेटः पहिरोमा बेपत्ता बालकको पनि शव भेटियो

काठमाडौं– ओखलढुंगाको चम्पादेवीमा अविरल वर्षासँगै पहिरोले घर पुरिँदा बेपत्ता भएका १० वर्षका बालकको पनि शव भेटिएको छ । चम्पादेवी गाउँपालिका–८ विलन्दुमा गएराति पहिरो जाँदा रणबहादुर गुरूङको घर पहिरोले बगाउँदै परिवारका सबै सदस्य बेपत्ता थिए ।

बिहान बाबु रणबहादुर, पत्नी शिवमाया, १८ महिनाकी छोरी कविताको शव भेटिएको थियो । बेपत्ता छोरा दिनेशको पनि अहिले शव फेला परेको वडाध्यक्ष खड्ग बरालले जानकारी दिए ।

राति करिब ११ बजेको समयमा घनाबस्ती रहेको गाउँको सिरानबाट पहिरो चलेको थियो । पहिराले अरू घरमा पनि क्षति पु¥याएकाले उद्धार र राहतको खाँचो रहेको उनले बताए ।