सिरहामा करेन्ट लागेर एक जनाको ज्यान गयो

सिरहा– सिरहाको लहान नगरपालिकामा करेन्ट लागेर एक जनाको मृत्यु भएको छ ।

धनगढीमाई नगरपालिका–५ का ४० वर्षीय शिवनारायण कामैतको सोमबार दिउँसो करेन्ट लागेर मृत्यु भएको हो ।

लहान नगरपालिका–२२ धुनमुनीमा घरको छत ढलान गर्ने क्रममा भाइब्रेटर मेसिन चलाउँदा करेन्ट लागेर गम्भीर घाइते भएका उनको प्रादेशिक अस्पताल लहानमा उपचारको क्रममा मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको बताएको छ ।