भिरबाट लडेर एक जनाको ज्यान गयो

काठमाडौं– बझाङमा भिरबाट लडेर एक जनाको ज्यान गएको छ । सुर्मा गाउँपालिका– ५ का ३३ वर्षीया लडे जेठाराको भिरबाट लडेर ज्यान गएको हो ।

आफन्त चक्रबहादुर बोहोराका अनुसार यार्सा सङ्कलन गर्ने ठाउँ पार्थीबाट घर जान हिँडेका उनको हलेलीको भिरबाट लडेर ज्यान गएको हो ।

हिजो भिरबाट लडेका जेठाराको आज बिहान शव फेला परेको छ । यार्सा टिप्न गएका उनी घरमा आमा बिरामी परेको खबर पाएपछि फर्केका थिए ।